|
|
|
молитвы при онкологии
| |
| Tina | Дата: Понедельник, 2015-12-28, 8:47 PM | Сообщение # 1 |
 Генерал-полковник
Группа: Администраторы
Сообщений: 1010
Репутация: 0
Статус: Offline
| АКАФИСТ ПРЕСВЯТОЙ БОГОРОДИЦЕ
РАДИ ЧУДОТВОРНОЙ ИКОНЫ ЕЁ "ВСЕЦАРИЦА"
ЛЕЧЕНИЕ ОНКОЛОГИИ И АЛКОГОЛИЗМА
КОНДАК 1
Новоявленней Твоей иконе предстояще вернии умильно, воспеваем Ти,
Всецарице, раби Твои; низпосли цельбы к Тебе притекающим ныне рабом
Твоим, да вси радостно зовем Ти: Радуйся, Всецарице, недуги наша
благодатию исцеляющая.
ИКОС 1
Ангел предстатель с небесе сшед, рече Всецарице: радуйся! И боговещанным гласом воплощаема
Тя зря, Господи, возопи к Ней таковая:
Радуйся, Главизно нашего спасения; радуйся, Исполнение Зиждителева смотрения.
Радуйся, яко Тобою Бог воплотися; радуйся яко Невидимый в Тебе изобразися.
Радуйся, Милость мира внутрь приявшая; радуйся, одеяние плоти Слову соткавшая.
Радуйся, яко Тобою Бог воплотися; радуйся яко Невидимый в Тебе изобразися.
Радуйся, Милость мира внутрь приявшая; радуйся, одеяние плоти Слову соткавшая.
Радуйся, уму непостижная Горняя Славо; радуйся, сердца оживившая Небесная Манно.
Радуйся, Звездо, благодати сияние; радуйся, Источниче, живыя воды излияние.
Радуйся, Богородице, в женах благословенная; радуйся, рождшая Спаса, Дево нетленная.
Радуйся, Всецарице, недуги наша благодатию исцеляющая.
|
| |
| |
| Tina | Дата: Понедельник, 2015-12-28, 8:47 PM | Сообщение # 2 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| КОНДАК 2
Безначальное Слово Отроча младо Тобою бысть, исцеления подая Тя, Дево,
чтущим и неиреченное Его Рождество воспевающим:Аллилуиа.
ИКОС 2
Разум недоразумеваемый разумети Дева ищущи, возопи к служащему: яко
Отроковица чистая, како буду Вышняго Мати, изъясни; к Нейже Гавриил рече
со страхом, зовый таковая:
Радуйся, Совета Вышняго Избраннице; радуйся, гласа молящихся Скоропослушнице.
Радуйся, Сокровище Христова мира; радуйся, людей Твоих Надеждо и Сило.
Радуйся, раковыя язвы дивная Губительнице; радуйся, прочих болезней Исцелительнице.
Радуйся, единое миру Заступление; радуйся, верное в скорбех Избавление.
Радуйся, плач и слезы присно утоляющая; радуйся, спасение входы всем отверзающая.
Радуйся, Скиптре и Державо Афон населяющих; радуйся, жезле монахов и мирян.
Радуйся, Всецарице, недуги наша благодатию исцеляющая.
КОНДАК 3
Сила Вышняго осенивши Тя, Отроковице, плоть прият неизреченно показа Тя
Село сладкое, хотящим жати спасение и поющим: Аллилуиа.
|
| |
| |
| Tina | Дата: Понедельник, 2015-12-28, 8:48 PM | Сообщение # 3 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| ИКОС 3
Прославися дивно святая икона Твоя, Всецарица именуемая, егда
цельбоносно явися Богоматере изображение; вопиющим же пред нею с верою
исцеления подаеши, да умножаются песни сицевыя:
Радуйся, Мати незаходимаго Света; радуйся, претерпевших до конца Победо.
Радуйся, в болезнех и скорбех сущим Врачевание; радуйся, сирот и вдовиц нерушимая Стено.
Радуйся, двери райския отверзающая; радуйся, труждающихся и обремененных заступающая.
Радуйся, о спасении верных Ходатаице; радуйся, за род человеческий Молитвеннице.
Радуйся, Лествице небесная, возводящая от земли к небеси; радуйся, Водо живая, омывающая смертные грехи.
Радуйся ,Агнице, сердца незлобивых хранящая; радуйся, Покрове, чад Церкве осеняющий.
Радуйся, Всецарице, недуги наша благодатию исцеляющая.
КОНДАК 4
Живот мирови даруя, Владыка мира вселися во утробу Твою неискусомужно;
Матерь верных Тя показав, в мире тех воспевати призва: Аллилуиа.
ИКОС 4
Преславная содеяше о Тебе, Граде Божий, исцелением бывающим от святыя
иконы Твоея; цельбоносныя струи врачеваний приемлюще, благодарственно, о
Всецарице, вопием:
Радуйся, Снадобие, боль утоляющее; радуйся, Прохладо, жар недужных остужающая.
Радуйся, прижигающая раковыя язвы, аки пламенем; радуйся, подымающая со одра оставленных врачьми.
Радуйся, лик Свой пречистый избранным являющая; радуйся, от греховных уз разрешающая.
Радуйся, яко Тобою избавление от смерти даровася; радуйся, яко Тобою безсчетный сонм верных оправдася.
Радуйся, Высото, человеческими помыслы неизследованная; радуйся, Глубино, единым Словом изведанная.
Радуйся, Пророчествие прежде Тебе бывших патриархов; радуйся, Наставнице Тебе молившихся иерархов.
Радуйся, Всецарице, недуги наша благодатию исцеляющая.
КОНДАК 5
Пречистый Храм Спасов познахом Тя, Отроковице; к Тебе припадаем,
Чистая, да нас соделаеши храмы Божетсва, вопиющих Ему: Аллилуиа.
ИКОС 5
Видеша чини ангельстии на руку Твоею Создавшего рукою человеки, и яко
Владычицу разумевающе Тя едину, аще и Рабою Себе нарекла еси, потщашася
песньми послужити Ти, Благословенней, сицевыми:
Радуйся, Богом поставленная превыше Небесных Сил; радуйся, чудесными исцеленьми исполняющая мир.
Радуйся, хвалу и славу от небес слышащая; радуйся, благодарение от земли приемлющая.
Радуйся, яко семя тли в сердцах потребила еси; радуйся, яко козней диавольских ярем сокрушила еси.
Радуйся, юдоль плачевную исполнившая радостию; радуйся, скорби изменяющая в небесную сладость.
Радуйся, Благоухание Богу приятное; радуйся, кающихся грешников Веселие изрядное.
Радуйся, Броне правды от искушений; радуйся, Щите ограждения от вражды и нестроений.
Радуйся, Всецарице, недуги наша благодатию исцеляющая.
|
| |
| |
| Tina | Дата: Понедельник, 2015-12-28, 8:49 PM | Сообщение # 4 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| КОНДАК 6
Проповедницы богоглаголивии, Спасовы ученицы, предсташа Ти, Дево,
чудно, внегда от земли к небеси восходила еси, да единым сердцем и усты
воспоют Богови: Аллилуиа.
ИКОС 6
Возсия дивная благодать от иконы Твоея, Всецарице, егда юноша, ученьми сатанинскими
омраченный, пред нею паде и недвижим бысть; паче чаяния же от уз мрачных
свобожденный, со страхом и радостию взываше Ти сице:
Радуйся, Исправление нечестиваго жития; радуйся, Утешение страждущих люте.
Радуйся, бесовских полчищ от Церкве Отгнание; радуйся, мглы греховныя Разсеяние.
Радуйся, козней невидимых Упразднение; радуйся, демонских чар всемощное Одоление.
Радуйся, Светильниче, прельщенных наставляяй; радуйся, Облаче невинных от зла покрываяй.
Радуйся, Холме, небесною манною питающий; радуйся, Долино, смирением Христовым насыщающая.
Радуйся, Каменю Небеснаго Царствия; радуйся, Зерцало превечнаго Света.
Радуйся, Всецарице, недуги наша благодатию исцеляющая.
КОНДАК 7
Хотящу дати Себе в снедь верным, благоволил еси от Девы воплотитися, да
приемлюще Пречистое Тело и Кровь Твою, познают Тя, Бога совершеннаго;
темже дивящеся неизреченней премудрости сей зовем: Аллилуиа.
ИКОС 7
Новое показа таинство явлься Зиждитель, со ученики свершивый Тайную
Свою Вечерю; мы же моляще Всецарицу удостоити нас Божественныя Святыни,
восписуем Ей сицевая:
Радуйся, Подательнице Небеснаго Хлеба; радуйся, Родительнице Вечнаго Живота.
Радуйся, Чаше, Христу приобщающая; радуйся, душу и тело с Богом сочетающая.
Радуйся, Лжице златая, исполнь Божественных Таин; радуйся, драгий Кивоте, вместилище великия Святыни.
Радуйся, Персте, на святую Евхаристию указуяй; радуйся, Трапезо, предлагающая нам Пищу Святую.
Радуйся, достойных причастников одесную поставляющая; радуйся, ревнителей Божественныя Литургии от ада избавляющая.
Радуйся, приводящая смертных к Источнику безсмертия; радуйся, ограждающая чад Своих миром и крепостию.
Радуйся, Всецарице, недуги наша благодатию исцеляющая.
|
| |
| |
| Tina | Дата: Понедельник, 2015-12-28, 8:50 PM | Сообщение # 5 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| КОНДАК 8
Странное Рождество видевше, житейское всякое отложше попечение, горе
имеим сердца; на сие бо Вышний явися во еже привлещи Тому вопиющия:
Аллилуиа.
ИКОС 8
Неотступно в недрех Отеческих пребывая, Слово неописанное на земли плоть бысть; Бог Велий сотвори
величие Деве и призре на смирение Рабы Своея, слышащия сицевая:
Радуйся, невместимаго Бога вместившая; радуйся, надмирнаго Творца миру явившая.
Радуйся, яко сокрушися смерти держава; радуйся, яко исцелися Адамова рана.
Радуйся, Пластырю, струпы душевныя заживляяй; радуйся, Елее, язвы телесныя умащаяй.
Радуйся, Утоление болезней раждающих; радуйся, Облегчение мук умирающих.
Радуйся, нанесшая поражение аду; радуйся, притупившая смерти жало.
Радуйся, Чаяние всеобщаго воскресения; радуйся, православных несумненное Спасение.
Радуйся, Всецарице, недуги наша благодатию исцеляющая.
КОНДАК 9
Всякое естество ангельское и человеческое удивися величию непостижимаго
Твоего воплощения, Слове; недоумевающе же о сей велией тайне
благочестия, со страхом и трепетом благодарственно зовем Ти: Аллилуиа.
ИКОС 9
Многоразличными недуги одержимии, о Всецарице, от святыя иконы Твоея
паче чаяния исцеления получают, да приимше верою благодать, велегласно
взывают Ти:
Радуйся, здравых чад присное Сохранение; радуйся, болящих ко здравию Преложение.
Радуйся, детей недугующих Исцеление; радуйся, юных страдальцев Мати.
Радуйся, Восстание на одр болезни поверженных; радуйся, Отрадо страхом смертным одержимых.
Радуйся, яко внемлеши человеков рыданиям; радуйся, призревающи на наша стенания.
Радуйся, болей земных небесною радостию Растворение; радуйся, люте обуреваемых пачеестественное Терпение.
Радуйся, яко уготовляеши плачущим радость; радуйся, яко снабдеваеши кротких крилома молитвы.
Радуйся, Всецарице, недуги наша благодатию исцеляющая.
|
| |
| |
| Tina | Дата: Понедельник, 2015-12-28, 8:50 PM | Сообщение # 6 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| КОНДАК 10
Спасти хотя Зиждитель истлевшее грехом человеческое естество, сниде на
Тя, яко дождь на руно, и купину Тя соделав неопалимую, Бог сый бысть
человек, да воспеваем Ему: Аллилуиа.
ИКОС 10
Стена еси девам, Отроковице чистая, и всем о чистоте радящим; в Тя бо вселися
Бог, очищаяй разумныя создания Своя, да избывше всякия скверны,
предлагаем Ти сицевая:
Радуйся, молчания взыскующих Собеседнице; радуйся, Венче хранящих девство.
Радуйся, Начало и Конец духовнаго совершения; радуйся, Хранилище Божественнаго откровения.
Радуйся, Троическаго Совета Таиннице; радуйся, спасения человеков Виновнице.
Радуйся, Вершино, гордым умам неприступная; радуйся, Убежище, смиренным сердцам доступное.
Радуйся, Чистая, небесе чистейшая; радуйся, Херувимов и Серафимов Честнейшая.
Радуйся, Обрадованная, яко прияла еси от Архангела радование; радуйся, Утешенная, яко руце Твои осязасте воскресшаго Христа.
Радуйся, Всецарице, недуги наша благодатию исцеляющая.
КОНДАК 11
Пение тщащеся разумное Спасу приносити, всегда неключими, Владычице,
остаемся раби Твои; кто бо может достойно воспети Бога, Егоже имя миро
излиянное; сего ради вопием Ему: Аллилуиа.
ИКОС 11
Свет велий возсияв во тьме седящим, посети нас, о Дево, Восток свыше,
Сын и Бог Твой; Тя соделав свещею на свещнице, светоносным чадом
церковным наказует приносити Ти сицевая:
Радуйся, Заре умнаго Солнца; радуйся, Вместилище Божественнаго Огня.
Радуйся, Свете, яко одеяние святых соткала еси; радуйся, Свеще, яко тьму бесовскую отгнала еси.
Радуйся, косных умов Просвещение; радуйся, грешных сердец Озарение.
Радуйся, Деснице из моря суетствий изводящая; радуйся, Луче, путеводяй к Царствию спасающихся.
Радуйся, Молние, нераскаянных поражающая; радуйся, Громе, губителей устрашающий.
Радуйся, лукавыя совести Просветление; радуйся, Умилостивление Божия Суда.
Радуйся, Всецарице, недуги наша благодатию исцеляющая.
|
| |
| |
| Tina | Дата: Понедельник, 2015-12-28, 8:50 PM | Сообщение # 7 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| КОНДАК 12
Благодать дати восхотев, Завета Ветхаго Податель Завет Новый нам
дарова; мы же благодать приимше, не делы закона, но единою верою
спасение улучивше, восписуем вси: Аллилуиа.
ИКОС 12
Поюще Твое рождество, якоже древле Израиль в кимвалех сеновную скинию
воспеваше, тако мы ныне Тя, Скинию истинну, добродетельми прославляем,
да слышиши от всех сицевая:
Радуйся, Песне, воспеваемая горе; радуйся, Псалме, слышимый низу,
Радуйся, Единому Богу достойно послужившая; радуйся, Божественней Троице смирением угодившая.
Радуйся, веки Носящего носивая в Себе; радуйся, Престоле Содержащаго вселенную в руце.
Радуйся, Тайно неизреченная веков и времен; радуйся, Упование твердое народов и племен.
Радуйся, сердечное Радование иереев благоговейных; радуйся, быстрое Слышание молитв церковных и келейных.
Радуйся, Премудрости Доме богозданный; радуйся, Милости Сосуде, Богом избранный.
Радуйся, Всецарице, недуги наша благодатию исцеляющая.
КОНДАК 13
О Всцарице Мати, рождшая всех святых Святейшее Слово, нынешнее наше
приявши песнопение, от всякия смертныя болезни исцели ны и будущаго
избави осуждения вопиющих: Аллилуиа.
(Сей Кондак глаголи трижды. А по сем чтется Икос 1 и Кондак 1).
ТРОПАРЬ, ГЛАС 4
Образом радостотворным честныя Всецарицы, желанием теплым взыскающих
благодати Твоея спаси, Владычице; избави от обстояний к Тебе
прибегающих; от всякия напасти огради стадо Твое, к заступлению Твоему
взывающее присно.
|
| |
| |
| Tina | Дата: Понедельник, 2015-12-28, 8:51 PM | Сообщение # 8 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| МОЛИТВА
КО ПРЕСВЯТЕЙ БОГОРОДИЦЕ
О Всеблагая, досточудная Богородице, Пантанасса, Всецарице! Несмь
достоин да внидеши под кров мой! Но яко милостиваго Бога
любоблагоутробная Мати, рцы слово, да исцелится душа моя и укрепится
немощствующее тело мое. Имаши бо державу непобедимую и не изнеможет у
Тебе всяк глагол, о Всецарице! Ты за мя упроси, Ты за мя умоли. Да
прославляю преславное имя Твое всегда, ныне и в бесконечныя веки. Аминь.
МОЛИТВА ВТОРАЯ
О Пречистая Богомати, Всецарице! Услыши многоболезненное воздыхание наше пред чудотворною
иконою Твоею, из удела Афонскаго в Россию пренесенною, призри на чад
Твоих, неисцельными недуги страждущих, ко святому образу Твоему с верою
припадающих! Якоже птица крилома покрывает птенцы своя, тако и Ты ныне,
присно жива сущи, покрый нас многоцелебным Твоим омофором. Тамо, идеже
надежда исчезает, несумненною Надеждою буди. Тамо, идеже лютыя скорби
превозмогают, Терпением и Ослабою явися. Тамо, идеже мрак отчаяния в
души вселися, да возсияет неизреченный свет Божества! Малодушныя утеши,
немощныя укрепи, ожесточенным сердцам умягчение и просвещение даруй.
Исцели болящия люди Твоя, о Всемилостивая Царице! Ум и руки врачующих
нас благослови, да послужат орудием Всемощнаго Врача Христа Спаса
нашего. Яко живей Ти, сущей с нами, молимся пред иконою Твоею, о
Владычице! Простри руце Твои, исполненныя исцеления и врачбы, Радосте
скорбящих, в печалех Утешение, да чудотворную помощь скоро получив,
прославляем Живоначальную Нераздельную Троицу, Отца, Сына, и Святаго
Духа во веки веков. Аминь.
|
| |
| |
| Tina | Дата: Понедельник, 2015-12-28, 8:52 PM | Сообщение # 9 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| Молитва от рака
Во имя Отца и Сына и Святаго Духа. Аминь.
Боже, милостив буди мне, грешней (-ому).
Тебе, Господу Богу моему и Творцу,
Во Святей Троице Единому,
Славимому и покланяемому,
Отцу, и Сыну, и Святому Духу,
Обращаю свою молитву
В полном раскаянии о грехах моих прежних,
Содеянных мною рабою Божиею (-им)
(имя молящейся(-гося)) Во все дни живота моего, Во всякий час, дни и нощи, делом, словом,
помышлением
И прочими моими грехами,
Душевными и телесными вкупе,
Имиже Тебе Бога моего и Творца прогневах
И настоящую тяжелую болезнь рака
В наказание от тебя заслужив.
Осознав грехи свои
Имею волю каятися:
"Каюсь! Каюсь! Каюсь!"
В покаянии пришло прозрение мое
О греховной жизни моей
И о Милости Твоей неизреченной,
Ибо не умерщвил меня заслуженно,
А наказал болезнью рака, милостиво,
Оставив мне, грешной (-ому) рабу (-е)
Божией (-ему) (имя болящей(-его),
Время на молитву покаянную
И на исправление грехов моих.
Господи Боже мой,
На коленях, со слезами смиренно молю Тя: Помози ми,
Милосердием Твоим прости ми
Согрешения моя,
Ибо о сих грехах жалея,
Представляю их Тебе и молю -
Разреши от всех сих,
Я ко Благ и Человеколюбец.
Яко благ исцели невидимо
Молитвами Святых Твоих
Меня, рабу (-а) Божию (-его)
(имя болящей (-его), от болезни порчи рака
И всех его званий:
Рака червивого, гнетущего, растущего, грибкового, ядовитого,
Водяного, кровавого, колючего, могучего, огненного, жирового,
Внутреннего, пахлового, ползущего,
отравляющего, гниющего,
Зернистого, зреющего, сербулящего, злакового.
Милостиве Господи, услыши молитву рабы (-а)
|
| |
| |
| Tina | Дата: Понедельник, 2015-12-28, 8:54 PM | Сообщение # 10 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| Своей, молящейся (-гося) Тебе.
Долгую и лютую болезнь Иовлю
На гноищи и в червех
Того молящегося,
Через слово исцелил еси, Господи.
И ныне же молю Тя:
Я ко Благ исцели невидимо
Меня рабу (-а) Божию (-его) (имя болящей (-его)) от рака
Гнетущего, растущего, червивого, грибкового,
ядовитого, водяного, Кровавого, колючего, могучего, огненного,
жирового, внутреннего, Пахлового, ползущего, отравляющего,
гниющего, зернистого, Зреющего, сербулящего, злакового. Ослаби, остави, прости
Боже, Прегрешения мои, вольныя и невольный, Я же в слове и в деле, Я же в
ведении и в неведении, Я же во дни и в нощи,
Я же во уме и в помышлении:
Вся мне прости,
Яко Благ и Человеколюбец...
Владыко Человеколюбче!
Неужели мне рабе (-у) Божисй (-ему)
(имя болящей (-его) Одр сей раковый гроб будет?
Се ми гроб подлежит,
Се ми смерть предстоит.
Спаси, Боже, душу мою окаянную,
Суда Твоего,
Господи, боюся
И муки бесконечныя,
Злое же творя не престаю:
Достойна еемь всякого осуждения и муки,
Ибо Тебе Господа Бога моего Всегда прогпевляю,
И Пречистую Твою Матерь,
И вся Небесныя силы,
И Святаго Ангела Хранителя моего...
Господи, спаси мя, Грешную (-ого) и недостойную (-ого) рабу(-а)
Божию (-его) (имя болящей (его)): Аще бо праведника спасеши,
Ничтоже велие;
Аще чистаго помилуеши,
Ничтоже дивно -
Достойни бо суть милости Твося.
Но на мне грешней (-ем) удиви милость Твою:
О сем яви человеколюбие Твое,
Да не одолеет злоба врагов моих
И грехопадение мое
Твоей неизглаголенней Благости
И неисчерпаемого Милосердия.
Пусть не дождутся враги мои Смерти моей
И не возрадуются о своей победе
И о победе черных бесовских сил.
Заступник души мося буди, Боже!
Просвети очи мои! Спаси мя, грешную (-ого),
Яко посреде хожду cетей многих:
Избави мя от них,
Спаси, сохрани, защити.
Да не усну в смерть
От болезни порчи рака
И всех его званий.
Наказуяй, но не умерщвляй!
|
| |
| |
| Tina | Дата: Понедельник, 2015-12-28, 8:54 PM | Сообщение # 11 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| Ненавидящих и обидящих ми прости;
Благотворящим благосотвори;
Мне рабе (-у) Божией (-ему) (имя болящей (-его)
Даруй спасение и жизнь вечную,
В немощех раковых посети
И исцеление даруй.
Милостиве,
Здравия со слезами покаяния прошу
Мне рабе (-у) Божией (-ему) (имя болящей (-его)),
Премени от смерти на живот,
Даждь скорбящим утеху.
Тебе, Творче,
Каюсь во всех грехах своих,
Яко не хощеши смерти грешничи,
Оживи, уздрави болящую (-его) рабу (-а)
Божию (-его) (имя болящей (-его),
Да восстав послужу Ти,
Исповедуя со всеми праведниками
Твою благость.
Слава Отцу и Сыну и Святому Духу, Ныне и присно и во веки веков.
Аминь.
|
| |
| |
| Tina | Дата: Понедельник, 2015-12-28, 8:55 PM | Сообщение # 12 |
|
Генерал-полковник
Группа: Администраторы
Сообщений: 1010
Репутация: 0
Статус: Offline
| Молитва от рака Пресвятой Богородице.
Благого Царя Благая Мати,
Пречистая и Благословенная Богородице Марие,
К Тебе,- Преблагословенной Деве,
Помощнице в напастях
Всемилостивой Заступнице во всех печалях,
болезнях и скорбях,
Споручнице грешных,
Умягчительнице злых сердец,
Избавительнице от бед,
Утолительнице печалей,
Скорбящих Радосте,
Предвозвестительнице,
Живопосной Источнице,
Утешительнице
И Целительнице болезней душевных и телесных,
Всецарице, имеющей дар исцеления болезней рака, Я, раба (раб) Божия (-ий)
имя болящей (-его), за помощью прибегаю:
Услыши слезную молитву мою,
С благоговейным трепетом
И глубокою верою к Тебе обращенную.
Пресвятая Богородице,
Милость Сына Твоего и Бога нашего Излей на страстную душу мою,
На болезненное тело мое
И на раковое ложе мое.
Твоими Святыми Устами
И Твоими молитвами,
Преславная Приснодево,
Утоли болезни порчи рака водяного,
Жирового, ядовитого, кровавого,
грибного, червивого, гниющего,
Разлагающего, зернового, сербулящего,
ползущего, отравляющего,
Пахлового, внутреннего, наружного,
раздражающего, злакового,
Растущего,
Рака от болезни духа исходящего
И все его звания у рабы (-а) Божией (-его) (имя болящей (-его)).
Мати Божия,
Ты всем просящим Тя помогаешь,
Всякие болезни утоляешь...
Все упование мое на Тя возлагаю!
Мати Христа Бога,
Покрый мя, грешную (-ого), Пресвятым Твоим Омофором,
Сохрани мя под Покровом Твоим.
Принеси мою молитву Сыну Твоему и Богу нашему;
Не презри мя, грешную,
Требующа Твоей помощи
И Твоего заступления, на Тя бо упова душа моя;
Помилуй мя.
Пресвятая Богородице,
Моли Бога о мне, грешней (-ом) Рабе Божией (-ем) (имя болящей (его)).
Во имя Отца и Сына и Святаго Духа.
Ныне и присно и во веки веков.
Аминь.
|
| |
| |
|
|
